ԵՐԵՎԱՆ, 18 ապրիլի — Sputnik. Հանրապետության տարածքում ապրիլի 19-ի գիշերը, 23-ին սպասվում է առանց տեղումների եղանակ, 19-ի երեկոյան ժամերին, 20-21-ը, 22-ի գիշերը շրջանների զգալի մասում, 22-ի ցերեկը Վայոց ձորում, Սյունիքում և Արցախում ժամանակ առ ժամանակ սպասվում է անձրև:
Այս մասին տեղեկացնում է ՀՀ ԱԻՆ «Հիդրոմետ» ծառայությունը։
Օդի ջերմաստիճանը ապրիլի 19-ին, 20-ի գիշերը աստիճանաբար կբարձրանա 5-6, Լոռիում, Տավուշում, Սյունիքում և Արցախում՝ 6-8 աստիճանով, 20-ի ցերեկը, 21-ին, 22-ի գիշերը կնվազի 5-7 աստիճանով: Քամին՝ հարավարևմտյան՝ 3-8 մ/վ: 20-21-ը առանձին շրջաններում սպասվում է քամու ուժգնացում՝ 15-20 մ/վ արագությամբ:
Երևան քաղաքում ապրիլի 19-ի գիշերը, 22-ի ցերեկը, 23-ին սպասվում է առանց տեղումների եղանակ, 19-ի երեկոյան ժամերին, 20-21-ը, 22-ի գիշերը ժամանակ առ ժամանակ սպասվում է անձրև։
