ԵՐԵՎԱՆ, 18 Ապրիլ — Sputnik. Ապրիլի 18-ի ժամը 18։00–ի դրությամբ Երևանի ոստիկանության բաժանմունքներում 91 բերման ենթարկված քաղաքացի կա։
Այս մասին Sputnik Արմենիային հայտնեց ՀՀ ոստիկանության մամուլի քարտուղար Էդգար Ջանոյանը։
18 ապրիլի 2018, 19:57
37 բերման ենթարկվածի նկատմամբ հարուցվել է վարչական վարույթ, 54–ի վերաբերյալ նյութերն ուղարկվել են նախաքննական մարմին` նրանց գործողություններում հնարավոր հանցակազմի առկայությունը հաստատելու համար։
Հիշեցնենք` ՀՀ Քրեադատավարական օրենսգրքի համաձայն`բերման ենթարկված անձին ոստիկանությունն իրավունք ունի պահել առավելագույնը 3 ժամ։
Այսօր ժամը 12։00-ի դրությամբ պաշտոնական տվյալներով բերման ենթարկվածների թիվը 66 էր, 14։00–ի դրությամբ` 72, իսկ 18։00–ի դրությամբ` արդեն 91։
