ԵՐԵՎԱՆ, 16 ապրիլի — Sputnik. Այսօր Ժամը 19։00-ի դրությամբ Երևանի հիվանդանոցներում դեռ բժիշկների հսկողության տակ է մնում է քաղաքացիական անհնազանդության ժամանակ տուժած 31 քաղաքացի։
Հայտնում է առողջապահության նախարարությունը` միաժամանակ ասելով, որ վիրավորներին այցելել է ՀՀ առողջապահության նախարարի պաշտոնակատար Լևոն Ալթունյանը։ «Սուրբ Գրիգոր Լուսավորիչ» բժշկական կենտրոնում նախարարին ներկայացրել են տուժածների առողջական վիճակը։
Նրանց մեծ մասին մոտ առկա են ստորին վերջույթների մակերեսային վնասվածքներ։
Ինչպես արդեն հայտնել ենք` ոստիկաններից մեկը վիրահատությունից հետո գտնվում է վերակենդանացման բաժանմունքում։
