ԵՐԵՎԱՆ, 16 ապրիլի — Sputnik. Այսօր ժամը 21:01-ին ՀՀ արտակարգ իրավիճակների նախարարություն ահազանգ է ստացվել, որ Երևանի Շինարարների և Ջանիբեկյան փողոցների խաչմերուկում վթար է տեղի ունեցել, կա տուժած, և անհրաժեշտ է փրկարարների օգնությունը:
Այս մասին տեղեկացնում է ԱԻՆ մամուլի ծառայությունը:
Դեպքի վայր մեկնած փրկարարները պարզել են, որ Ջանիբեկյան 65 հասցեի մոտակայքում «Mercedes» մակնիշի ավտոմեքենան բախվել է «CPS» բենզալցակայանի կրպակին: Ավտոմեքենայի վարորդը, ուղևորը և բենզալցակայանի աշխատակիցը տեղափոխվել են «Արմենիա» ՀԲԿ:
Լցակայանից արտահոսած բենզինի բռնկումը կանխելու նպատակով փրկարարներն այն պատել են փրփրահեղուկով:
Կտրվի լրացուցիչ տեղեկություն:
