ԵՐԵՎԱՆ, 14 ապրիլի — Sputnik. «Դիլիջան» ազգային պարկի ժամանակավոր կեցավայրը համալրվեց Իրանից բերված երկու էգ ու մեկ արու եղջերուներով, որոնցից մեկը հղի է։ Այս մասին Sputnik Արմենիային հայտնեց բնապահպան-լրագրող Նարինե Կիրակոսյանը։
«Ըստ պայմանավորվածության` պետք է բերեին 4 եղջերու, սակայն իրանական տարածքում եղջերուներից մեկը փախել է»,- նշեց Կիրակոսյանը։
Նրա խոսքով` իրանական կողմը խոստացել է ամիսներ հետո այդ բացը լրացնել։
Իրանից Հայաստան բերված եղջերուները պետք է կազդուրվեն ու մի փոքր սովորեն նոր տեղին։ ՀՀ բնապահպանության նախարարի պաշտոնակատար Արծվիկ Մինասյանը ուղևորվել է Դիլիջան՝ կենդանիներին այցելելու։
© Facebook/ Narine KirakosyanԻրանից Հայաստան բերված Կովկասյան ազնվացեղ եղջերուներից մեկը
![Породистые олени, привезенные из Ирана в Армению Породистые олени, привезенные из Ирана в Армению - Sputnik Արմենիա](https://cdn.am.sputniknews.ru/img/1143/17/11431743_0:0:1280:720_600x0_80_0_0_ad82d070194fa21faa331eeb2c74f745.jpg)
Իրանից Հայաստան բերված Կովկասյան ազնվացեղ եղջերուներից մեկը