Հայկ Նահապետյան
Հակառակորդը երեկ կրակել է Բաղանիս գյուղի մոտով անցնող հին ճանապարհի ուղղությամբ, իսկ դրանից բացի, կա նաև հիմնական ճանապարհ, որի կառուցման համար բավականին մեծ գումար է ծախսվել։
«Քանի որ հին ճանապարհը բավականին մոտ է ադրբեջանական մարտական հենակետերին և նշանառության տակ է, կարծում եմ` խնդիրը լուծելու համար պետք է այդ ճանապարհը ժամանակավորապես փակել երթևեկության համար և գնալ հիմնական ճանապարհով»,- ասաց Նահապետյանը։
Ինչ վերաբերում է վախի մթնոլորտ ստեղծելուն, փորձագետի կարծիքով` դա նորություն չէ. ադրբեջանական կողմն «անհիշելի ժամանակներից» կրակում է, բայց գյուղացիները, միևնույն է, չեն հեռանում գյուղից։
Նահապետյանի խոսքով` մեր ԶՈւ-ն պատրաստ է անհրաժեշտության դեպքում կանխարգելիչ հարված հասցնել։
