ԵՐԵՎԱՆ, 11 Ապրիլ — Sputnik. Խաբարովսկում Մի –8 ուղղաթիռը վթարային վայրէջք է կատարել։ Այս մասին տեղեկացնում է ՌԴ ԱԻՆ շրջանային բաժինը։ Ուղղաթիռի կործանման հետևանքով 6 մարդ է զոհվել:
«Ուղղաթիռում եղել է վեց մարդ: Նրանք բոլորը զոհվել են»,- ասվում է հաղորդագրության մեջ։
Նրա խոսքով՝ գետնին բախվելու ժամանակ ուղղաթիռն այրվել է:
ԶԼՄ–ների հաղորդմամբ՝ Մի-8 ուղղաթիռը պատկանել է «Վոստոկ» ավիաընկերությանը, այն ուսումնական թռիչք էր իրականացնում:
Հաղորդվում է, որ Խաբարովսկում եղանակն անձրևային է եղել, քամու ուժգնությունը հասել է վայրկյանում 12 մետրի, դեպքի վայրում խիտ մառախուղ է եղել:
