ԵՐԵՎԱՆ, 8 ապրիլի — Sputnik. Այսօր՝ ապրիլի 8-ին, խոշոր ավտովթար է տեղի ունեցել Կոտայքի մարզում:
Ինչպես հայտնում է shamshyan.com-ը, ժամը 17:40-ի սահմաններում «Opel Vectra» մակնիշի ավտոմեքենայի վարորդը Երևան-Աևան ավտոճանապարհի 32 կմ հատվածում դեպի Երևան ընթանալիս բախվել է ճանապարհի թույլատրելի մասում կայանած «Kia» մակնիշի ավտոմեքենային և հրել այն ծառերի մեջ:
Ըստ դեպքի վայրում հավաքվածների` 5 հոգի տեղափոխվել են Չարենցավանի բժշկական կենտրոն:
Ոստիկանությունը պարզում է վարորդների և վիրավորների ինքնությունը:
