ԵՐԵՎԱՆ, 1 ապրիլի — Sputnik. Իսրայելի վարչապետ Բենյամին Նեթանյահու կտրուկ պատասխան է տվել թուրքական կողմի քննադատությանը, որը մեղադրել է հրեական պետությանն անհամաչափ կերպով ուժ կիրառելու մեջ։ Նեթանյահուն հայտարարել է, որ Անկարան իրավունք չունի բարոյականության դասեր տալ «աշխարհի ամենաբարոյական բանակին»։
Շաբաթ օրը Թուրքիայի նախագահը դատապարտել էր Գազայի սահմանին ահաբեկիչների սպանությունը, հայտարարելով, որ ինքը վճռականորեն դատապարտում է «հրեական պետությանն իր անմարդկային հարձակման համար։ Իսրայելը շարունակում է կեղեքել մեր պաղեստինցի քույրերին ու եղբայրներին՝ «սեղմելով» Պաղեստինի հողերը»։
«Աշխարհի ամենաբարոյական բանակը (Իսրայելի պաշտպանության բանակը․խմբ) չի լսի նրանց խրատները, ովքեր տարիներ շարունակ ռմբակոծում են քաղաքացիական բնակչությանը», — ասել է Նեթանյահուն՝ պատասխանելով թուրքական կողմի քննադատությանը։
«Հավանաբար, Անկարան այդպես է նշում ապրիլի 1-ը», — հեգնել է Իսրայելի վարչապետը, ում խոսքերը տարածել է նրա մամուլի ծառայությունը։
Ուրբաթ տասնյակ պաղեստինցիներ դուրս են եկել Երկրի օրվան նվիրված ցույցերի Գազայի հատվածի և Իսրայելի սահմանի երկայնքով։
Շատ շրջաններում ցույցերը վերածվել են իսրայելական զորքերի ու ոստիկանության հետ բախումների։ Վերջին տվյալների համաձայն` այդ բախումների հետևանքով 16 պաղեստինցիներ սպանվել են, վիրավորել են 1,5 հազար արաբներ։
Շաբաթ օրը Իսրայելի բանակի մամուլի ծառայությունը հանդես էր եկել պնդմամբ, որ սպանվածների շարքում պաղեստինական զինված կազմակերպությունների առնվազն 10 գրոհային կան։ Նրա տվյալներով՝ ութ սպանվածները ՀԱՄԱՍ արմատական շարժման և դրա մարտական թևերի ակտիվիստներ են, մյուս երկուսը պատկանել են «Իսլամական ջիհադ» և «Ալ Աքսայի նահատակների ջոկատներ» խմբավորումներին։
