ԵՐԵՎԱՆ, 30 մարտի — Sputnik. Ստեփանծմինդա-Լարս ավտոճանապարհը բաց է միայն մարդատար ավտոմեքենաների համար. առկա է ձնահյուսի վտանգ:Այս մասին հայտնում է ՀՀ արտակարգ իրավիճակների նախարարության մամուլի ծառայությունը` հղում անելով Վրաստանի ՆԳՆ ԱԻ գործակալությանն ու և ՌԴ ԱԻՆ Հյուսիսային Օսեթիայի Հանրապետության գլխավոր վարչությանը։
«Ռուսական կողմում կա կուտակված 73 բեռնատար ավտոմեքենա»,- նշված է հաղորդագրության մեջ:
Մարտի 30-ին ժամը 18:00-ի դրությամբ ՀՀ տարածքում ավտոճանապարհները հիմնականում անցանելի են:
Մարտի 30-ի ցերեկը, 31-ի գիշերը, ապրիլի 3-ի երեկոյան և 4-ի գիշերն ամբողջ հանրապետությունում, մարտի 31-ի ցերեկը, ապրիլի 4-ի ցերեկը Լոռիում, Տավուշում, Սյունիքում և Արցախում անձրև կտեղա: Ապրիլի 1-2-ը, 3-ի գիշերը տեղումներ չեն լինի:
Դժվարանցանելի է Սոթք-Քարվաճառ ավտոճանապարհը:
Սյունիքի մարզի Գորայք գյուղում ձյուն է տեղում:
