ԵՐԵՎԱՆ, 29 մարտի — Sputnik. Ընթացիկ տարում Ռուսաստանը զենքի նոր խմբաքանակ կմատակարարի Հայաստան։ Այդ մասին հինգշաբթի Երևանում ArmHiTec ցուցահանդեսում լրագրողներին ասաց ՌԴ ռազմատեխնիկական համագործակցության դաշնային ծառայության տնօրեն Վլադիմիր Դրոժովը։
Առաքումները կիրականացվեն 100 միլիոն դոլար վարկի շրջանակում, որը Հայաստանի կառավարությունը հաստատել է անցած տարվա հոկտեմբերին, իսկ խորհրդարանը հաստատել է դեկտեմբերին։
«Վարկի շրջանակում սպառազինությունների առաքումները նախատեսված են 2018թ-ին», — նշել է Դրոժովը։
Հիշեցնենք, որ պաշտպանական վարկը, որը տրամադրում է Ռուսաստանը, երկրորդն է վերջին երեք տարվա ընթացքում։ 2015թ-ին հանրապետությունը Մոսկվայից վարկ է ստացել 200 միլիոն դոլարի սպառազինություն գնելու համար։ Այդ վարկային գծով մատակարարումներն ավարտվել են 2017թ-ի վերջին։
«ԱրմՀայՏեք-2016» ցուցահանդեսի շրջանակում ցուցադրվում են նորագույն տեխնոլոգիական լուծումներ, օպտիկաէլեկտրոնային սարքեր, տվյալների փոխանցման համակարգեր, ժամանակակից սպառազինության նմուշներ, ահաբեկչության դեմ պայքարի ստորաբաժանումների հանդերձանք, սահմանների հսկման համակարգեր, անօդաչու թռչող սարքեր և այլն:
Ցուցահանդեսն անցկացվում է հոկտեմբերի 13-15-ը «Երևան էքսպո» ցուցահանդեսային համալիրում:
