Նրա խոսքով` ուսումնասիրությունները ցույց են տվել, որ համեմատաբար լավ վիճակում են Rio Mall-ը, Dalma-ն, իսկ վատ վիճակում` Տաշիրը և Մաշտոցի պողոտայի նախկին Փակ շուկան։
Հայրապետյանը նշում է, որ բազմաթիվ խախտումներ են արձանագրվել «Տաշիրում», այնտեղ բացակայել են հակահրդեհային անվտանգության համակարգերը` հակահրդեհային ազդանշանային համակարգը, հրդեհաշիջման, հակածխային պաշտպանությունը, կրակը հանգցնող սարքերի քանակը չի համապատասխանել սահմանված չափորոշիչներին, չկան հատուկ ելքեր։
«Երկրորդ հարկում դրանք ուղղակի բացակայում են։ Դա շատ լուրջ խախտում է, որը կարող է հանգեցնել ողբերգական հետևանքների ֆորս-մաժորային իրավիճակների դեպքում», — ասաց պաշտոնյան։
«Սուրմալու» և «Փեթակ» առևտրի կենտրոնների վերաբերյալ եզրակացություն առայժմ չկա, քանի որ այդ վայրերում ստուգումները շարունակվում են։
