ԵՐԵՎԱՆ, 27 մարտի — Sputnik. Ուրբաթ օրը «Օջախ» ռեստորանում Բարձրագույն դատական խորհրդի նախագահ Գագիկ Հարությունյանի ծննդյան 70-ամյակին նվիրված խնջույքի ժամանակ նախկին վարչապետ Հովիկ Աբրահամյանը նստած է եղել գործող վարչապետ Կարեն Կարապետյանի և նախագահի աշխատակազմի ղեկավար Արմեն Գևորգյանի հետ նույն սեղանի շուրջ: Այս մասին գրում է «Ժամանակ» թերթը։
«Այս փաստը շատերը բացատրում են Հովիկ Աբրահամյանի և Կարեն Կարապետյանի հարաբերությունների ջերմացմամբ, ինչը պայմանավորված է նախևառաջ Հովիկ Աբրահամյան-Սամվել Կարապետյան հարաբերությունների աննախադեպ սերտացմամբ»,– նշված է հոդվածում:
Ըստ թերթի` Հովիկ Աբրահամյանը ռեստորանում նստել է նախագահ Սերժ Սարգսյանի սեղանի հարևանությամբ։
