ԵՐԵՎԱՆ, 26 մարտի — Sputnik. Մարտի 24-ին արտագերատեսչական պահակության բաժնի աշխատակիցները ձերբակալել են Հարավային Ամերիկայի երկրներից մեկի քաղաքացուն։ Նա փորձում էր ներխուժել Նևսկի պողոտայում գտնվող Սուրբ Եկատերինայի հայկական եկեղեցի։ Այս մասին հայտնում է Սանկտ Պետերբուրգի ու ՌԴ Լենինգրադի մարզի Արտագերատեսչական պահակության վարչության մամուլի ծառայությունը։
Միջադեպը տեղի է ունեցել վաղ առավոտյան` տեղական ժամանակով ժամը 07:12-ին։ Կանչին արձագանքած պարեկները ձերբակալել են անհայտ անձին, որը կոտրել էր Հայ առաքելական եկեղեցու առևտրային կրպակի ապակին ու ներխուժել ներս։ Հենց այնտեղ էլ նրան հայտնաբերել են։
Ավելի ուշ պարզվել է, որ ձերբակալվածը Հարավային Ամերիկայի երկրներից մեկի քաղաքացի է ու սովորում է պետերբուրգյան բուհերից մեկում։
Դեռևս պարզ չէ, թե ինչու էր նա ներխուժել եկեղեցու առևտրային կրպակ։
