ԵՐԵՎԱՆ, 26 մարտի — Sputnik. Հայաստանի ազգային հավաքականի նախկին հարձակվող Յուրա Մովսիսյանը հանդես կգա Շվեդիայում:
Շվեդական ակումբը հայ հարձակվողին 6 ամսով վարձակալել է «Ռեալ Սոլթ–Լեյքից»` հնարավոր երկարացման պայմանով։
Մինչև մրցաշրջանի ավարտը Հայ ֆուտբոլիստը վարձակալական հիմունքներով կխաղա «Յուրգորդրենում»:
Välkommen till DIF Yura Movsisyan https://t.co/J8D2gZlYJl pic.twitter.com/l6lHVn8lak
— Djurgården Fotboll (@DIF_Fotboll) 25 марта 2018 г.
Ակումբը հանդես է գալիս Շվեդիայի Բարձրագույն խմբում: Նախորդ մրցաշրջանում «Յուրգորդրենը» զբաղեցրել է մրցաշարային աղյուսակի 3-րդ հորիզոնականը։ Այն կմասնակցի Եվրոպա լիգային:
Նշենք, որ Շվեդիայի առաջնությունը մեկնարկում է ապրիլի 1-ին:
Հիշեցնենք, որ Հայաստանի ազգային հավաքականի նախկին խաղացող 30–ամյա Յուրա Մովսիսյանը վերջերս լքել է «Ռեալ Սոլթ Լեյքը»: Կողմերը խզել են գործող պայմանագիրը: Հարձակվողը վերջին ժամանակաշրջանում կորցրել էր իր տեղը թիմի մեկնարկային կազմում և խնդիրներ ուներ գլխավոր մարզիչ Մայք Պետկեի հետ:
Մովսիսյանի պայմանագիրն ավարտվում էր 2019 թվականին:
