Մայրաքաղաքի ռեստորաններից մեկի խոհարարը Sputnik Արմենիայի թղթակիցներին ցուցադրեց, թե ինչպես կարելի է ավելուկով լազանյա պատրաստել։
Լազանյայի համար խոհարարը մի շարք բաղադրիչներ է օգտագործում, այդ թվում՝ ավելուկ, սխտոր, ընկուզեղեն, աղ, պղպեղ, քրքում։ Նա խորհուրդ է տալիս տնային տնտեսուհիներին ժամանակը խնայելու համար լազանյայի շերտերը ոչ թե տանը պատրաստել, այլ խանութից գնել։
Լազանյայի յուրաքանչյուր շերտը պատում են պարմեզան պանրով ու բեշամել սոուսով։
Ի դեպ՝ բեշամելը կարելի է նաև հեշտությամբ ինքնուրույն պատրաստել։ Դրա համար հարկավոր է եփել կաթը, որի մեջ կարագ, մանրացրած մշկընկույզ և ալյուր է ավելացրած։
Մատուցելիս լազանյայի յուրաքանչյուր պատառ համեմում են թթվասերից, անանուխից, սխտորից և ուրցից պատրաստած սոուսով։
Մանրամասները դիտեք տեսանյութում, բարի ախորժակ։
