ԵՐԵՎԱՆ, 25 մարտի – Sputnik. Այսօր ՀՀ նախկին վարչապետ, պետական, քաղաքական գործիչ Անդրանիկ Մարգարյանի մահվան տարելիցն է։ Նա 2007թ. մարտի 25-ին հանկարծամահ է եղել սրտի կաթվածից:
Անդրանիկ Մարգարյանի մահվան տարելիցի կապակցությամբ Նախագահ Սերժ Սարգսյանն այսօր երկրի բարձրագույն ղեկավարության ուղեկցությամբ այցելել է Կոմիտասի անվան պանթեոն, հարգանքի տուրք մատուցել նրա հիշատակին:
Այս մասին տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից։
Անդրանիկ Մարգարյանը ծնվել է 1951թ. հունիսի 12-ին Կրասնոդարի երկրամասում ուսուցիչների ընտանիքում։ Ապա ընտանիքով տեղափոխվել են Երևան, ապրել Վարդաշենում։ Հայրը մաթեմատիկայի ուսուցիչ էր, մայրը` հայոց լեզվի։ Ծնողները արմատներով Արևմտյան Հայաստանից էին` Մուշից։
ՀՀ նախագահի 2000թ. մայիսի 12-ի հրամանագրովնա նշանակվել էր ՀՀ վարչապետ։ Ղեկավարել է կառավարությունը մինչև 2007թ մարտ:
