ԵՐԵՎԱՆ, 23 մարտի — Sputnik. Ռուսաստանի գործող նախագահ Վլադիմիր Պուտինը երկրի ղեկավարի ընտրություններում հաղթել է ձայների 76,69 տոկոս արդյունքով, նշված է ԿԸՀ-ի որոշման նախագծում։
Պուտինի օգտին քվեարկել են ընդհանուր առմամբ 56 միլիոն 430 հազար 712 ընտրող։ Երկրորդ տեղը զբաղեցրել է ՌԴ Կոմունիստական կուսակցության թեկնածու Պավել Գրուդինինը` ստանալով քվեների 11,77 տոկոսը (8 659 206 ռուսաստանցիներ), երրորդը Վլադիմիր Ժիրինովսկին է, որը ստացել է քվեների 5,65 տոկոսը (4 154 985 ընտրող)։
Հեռուստահաղորդավար Քսենյա Սոբչակը չորրորդն է` քվեների 1,68 տոկոսով (1 238 031 ընտրող)։
Ինչպես հայտարարել է ՌԴ ԿԸՀ նախագահ Էլլա Պամֆիլովան նիստի ընթացքում, Ռուսաստանի նախագահի ընտրությունները բոլոր հիմնական չափանիշներով համապատասխանում են այն պահանջներին, որոնք պետք է կատարվեն, ներառյալ մրցունակությունը և թափանցիկությունը։
Միաժամանակ նա ափսոսանք է հայտնել, որ որոշ թեկնածուներ, այդ թվում` ընդդիմադիր Ալեքսեյ Նավալնին, չեն կարողացել մասնակցել նախագահի ընտրությանը դատվածության պատճառով, բայց դա օրենքի պահանջն է, և ԿԸՀ-ն խստորեն կատարել է այն։
ՌԴ նախագահի ընտրությունը կայացել է մարտի 18-ին, քվեարկությանը մասնակցել է ընտրողների 67,54 տոկոսը։
