Միհրան Հակոբյան
«Իմ ֆեյսբուքյան էջը մեկ անգամ 24 ժամով էին արգելափակել, իսկ հետո երեք օրով։ Բանն այն է, որ Facebook սոցիալական ցանցը նոր կանոններ է կիրառում, ըստ որի` «ազերի» բառը եթե ռուսերենով գրվում է կայքի էջերում, ապա դա դիտարկվում է որպես վիրավորանք, այլատյացության քարոզ, ինչը Ֆեյսբուքի համար անհանդուրժելի է»,- ասաց պատգամավորը։
Նրա հավաստիացմամբ` ինքն ընդամենը մեկ անգամ է այդ բառն օգտագործել` այն էլ չորս տարի առաջ և իր գրառման մեջ վիրավորական որևէ բան չի եղել ադրբեջանցի ժողովրդի հասցեին։ Ըստ նրա` Facebook-ը շատ անարդար է վարվում, նոր խաղի կանոններ է հրամցնում և հետին թվով սկսում է որոշակի սանկցիաներ կիրառել։
