ԵՐԵՎԱՆ, 20 մարտի — Sputnik. Sputnik միջազգային տեղեկատվական գործակալության և Russia Today հեռուստաալիքի գլխավոր խմբագիր Մարգարիտա Սիմոնյանը մեկնաբանել է Էդինբուրգի Առևտրային պալատից պորտալի լրագրողների «վտարումը»։ Այս մասին հայտնում է ՌԻԱ Նովոստին։
«Հիմա էլ երևի տաք ջուրը կանջատեն։ Սպասում ենք», – ասել է Սիմոնյանը։
Ավելի վաղ, Սիմոնյանը նշել էր, որ անհեռանկարային պատժամիջոցներով և հիմնարար լիբերալ արժեքների նկատմամբ ցուցադրական արհամարհական վերաբերմունքով Արևմուտքը կորցրել է իրեն հարգելու ցանկացած հնարավորություն։ Միևնույն ժամանակ, գործակալության աշխատակիցների համար նորանոր սահմանափակումների առաջացումն արդեն սովորական բան է դարձել, այդ պատճառով էլ Սիմոնյանն արդեն կատակում է ջուրն անջատելու վերաբերյալ։
Sputnik UK մամուլի ծառայությունից ավելի վաղ ՌԻԱ Նովոստիին հայտնել էին, որ Առևտրային պալատում անդամակցությունը դադարեցվել էր լրատվական և քաղաքական շարունակվող արշավի ֆոնին, ընկերության հետ հարաբերությունները խզելու Էդինբուրգի քաղաքային խորհրդի կոչից հետո։ Sputnik–ի նկատմամբ նոր պատժամիջոցները կիրառվել են ռուս–բրիտանական հարաբերությունների սրման ֆոնին։
Երկկողմ հարաբերությունները սրվել են Մեծ Բրիտանիայի վարչապետ Թերեզա Մեյի հայտարարությունից հետո։ Նա հայտարարել էր, որ նյարդապարալիտիկ նյութով բրիտանական հետախուզության համար աշխատող Սկրիպալին թունավորելու մեջ «ամենայն հավանականությամբ» մեծ առնչություն ունի Ռուսաստանը։
Սկրիպալն ու նրա դուստրը մարտի 4-ին անգիտակից վիճակում հայտնաբերվել էին Սոլսբերիի կենտրոնում: Բուժզննման արդյունքում պարզվել էր, որ նրանց թունավորել են ռուսական արտադրության նյարդապարալիտիկ գազով։ Տուժել էր նաև ոստիկանության աշխատակից Նիկ Բեյլին։
Սկրիպալը Բրիտանիայում ապաստան էր ստացել 2010 թվականին ԱՄՆ-ի ու Ռուսաստանի միջև հետախույզների փոխանակումից հետո։ Այն ժամանակ Ռուսաստանին փոխանցել էին տասը մարդու, այդ թվում` Աննա Չապմանին։
Ավելի վաղ` 2015 թվականին, բրիտանական գանձատան պատժամիջոցների պատճառով Barclay"s բանկը արգելափակել էր «Ռոսիա սեգոդնյա» ՄՏԳ (գործակալության կազմում է նաև Sputnik–ը) գործակալության հաշիվը։ Այն ժամանակ գործակալության ղեկավարությունն այդ քայլը գրաքննության արտահայտում անվավեց։
