ԵՐԵՎԱՆ, 19 մարտի — Sputnik. Երևանում տեղակայված ընտրատեղամասում գործող նախագահ Վլադիմիր Պուտինը նախնական տվյալների համաձայն ՌԴ նախագահի ընտրություններում ստացել է ձայների ավելի քան 90%–ը, Sputnik Արմենիային հայտնեցին Երևանում ՌԴ դեսպանատնից։
Դեսպանատան 8026 ընտրատեղամասում իրենց քաղաքացիական պարտքը կատարել են 4879 քաղաքացի։
Հիշեցնենք, որ Պետդումայի ընտրությունների ժամանակ ողջ օրվա ընթացքում Երևանում ՌԴ դեսպանատանը 1070 մարդ էր քվեարկել։
Հիշեցնենք նաև, որ այսօր` մարտի 18-ին, Ռուսաստանում կայացան նախագահի ընտրություններ, բացվել էր ավելի քան 97 հազար ընտրատեղամաս, որոնցից ավելի քան 400–ը` երկրի սահմաններից դուրս։
Քվեարկության ընթացակարգին հետևում էր մոտ 1.5 հազար միջազգային դիտորդ 109 երկրից։
Ռուսաստանի նախագահի պաշտոնին հավակնում էր 8 թեկնածու։
