ԵՐԵՎԱՆ, 19 մարտի — Sputnik. Cirque du Soleil-ի փորձառու ակրոբատը` 38 տարեկան Յան Առնոն, Ֆլորիդայի նահանգի Թամպա քաղաքում ելույթի ժամանակ ընկել է բարձրությունից։ Այս մասին հայտնում է WFLA հեռուստաընկերությունը։
Առնոն ընկել է ակրոբատների համար ոչ այնքան բարդ համարվող հնարք ցուցադրելու ժամանակ։ Նրան տեղափոխել են հիվանդանոց, որտեղ էլ մահացել է։
Ակրոբատն ավելի քան 15 տարի աշխատել է կրկեսում։ Նրա կինը ռուսաստանցի Իննա Գերոլովան է, ունեն դուստր։
