ԵՐԵՎԱՆ, 18 մարտի — Sputnik. Երևանում Ռուսաստանի դեսպանատան մոտ հերթ է գոյացել. մարդիկ սպասում են ընտրություններին քվեարկելու համար։
Երևանի ժամանակով ժամը 12:45 մոտ 100-150 մարդ դեսպանատան դիմաց սպասում է իր հերթին։
Ինչպես Sputnik Արմենիայի թղթակցին հայտնեց տեղամասային ընտրական հանձնաժողովի նախագահ Պյոտր Շչյուկինը, ավելի քան 1100 մարդ արդեն քվեարկել է։
Հիշեցնենք, որ Պետդումայի ընտրություններին ամբողջ օրվա ընթացքում Երևանում Ռուսաստանի դեսպանատանը ընդամենը 1070 մարդ էր քվեարկել։
Հիշեցնենք, որ այսօր` մարտի 18-ին, Ռուսաստանում նախագահի ընտրություններ են անցկացվում, բացվել է ավելի քան 97 հազար ընտրատեղամաս, որոնցից ավելի քան 400–ը` երկրի սահմաններից դուրս։
Քվեարկության ընթացակարգին հետևում է մոտ 1.5 հազար միջազգային դիտորդ 109 երկրից։
Ռուսաստանի նախագահի պաշտոնին հավակնում է 8 թեկնածու։
