ԵՐԵՎԱՆ, 17 մարտի — Sputnik. Ղրիմի Բելգորոդի շրջանի XIV դարի հայկական եկեղեցու տարածքում պահպանման գոտի է ստեղծվելու։ Այս մասին հայտնում է Ղրիմի Հանրապետության պետական գրանցման կադաստրի պետական կոմիտեի մամուլի ծառայությունը։
Ղրիմի Հանրապետության ղեկավար Սերգեյ Աքսյոնովի հանձնարարականով գործադիր իշխանության մարմինների ղեկավարությունը թերակղզու բոլոր շրջաններում ամեն շաբաթ ընդունելություն է կազմակերպում։ Այս անգամ բնակիչները դիմել են իշխանություններին` խնդրելով հին հայկական եկեղեցու տարածքում պահակություն սահմանել։
«Մենք նման միջոցառումները սոցիալապես կարևոր ենք համարում, այդ պատճառով առավելագույնս կաջակցենք ճարտարապետության եզակի հուշարձանի պահպանմանը», — հայտնել է պետական կոմիտեի նախագահ Ալեքսանդր Սպիրիդոնովը։
Ղրիմի տարածքում տեղակայված եկեղեցիները միջնադարյան քրիստոնեական ճարտարապետության նմուշներ են, որոնք պատմում են դարեր առաջ այստեղ ապրած հայերի մասին։
