ԵՐԵՎԱՆ, 14 մարտի — Sputnik. «Արմավիր» քրեակատարողական հիմնարկում փախուստի փորձ է եղել։ Այս մասին հայտնում է ՀՀ արդարադատության նախարարության քրեակատարողական ծառայությունը։
Մարտի 13-ին ՀՀ ԱՆ «Արմավիր» քրեակատարողական հիմնարկի աշխատակիցները, իրացնելով օպերատիվ տվյալները, կանխել են նախապես ծրագրված և նախապատրաստված փախուստի փորձը:
Քրեակատարողական հիմնարկի N մասնաշենքի երկրորդ հարկի խցերից մեկում պատիժը կրող երկու դատապարտված անձինք խցի ճաղավանդակը կտրելու միջոցով փորձել են դիմել փախուստի:
Կատարվում է հետաքննություն:
