ԵՐԵՎԱՆ, 13 մարտի — Sputnik. Հայտնի պարուհի, pol-dance-ի աշխարհի չեմպիոն Վարդան (Վարդանուշ Մարտիրոսյանը) Instagram սոցիալական կայքում ընտանեկան լուսանկար է հրապարակել։ Լուսանկարում 24 տարեկան պարուհին է` մոր ու հոր հետ։
Վարդան անկեղծացել է ու պատմել իր ընտանիքի կյանքի պատմությունը` գրելով ծնողների բաժանման մասին։
«Երեկ ամբողջ օրը մայրիկիս հետ էի. «Ես նիհարում եմ» ֆիլմը դիտեցինք, շատ հավանեցինք այդ կատակերգությունը։ Ըստ սյուժեի` ֆիլմի հերոսուհին առանց հոր է մեծացել, ինչը նրա վրա հոգեբանական հետք է թողել ու, որպես հետևանք, բազում բարդույթների պատճառ է դարձել։ Այդպես էլ կա, ոչ լիարժեք ընտանիքը լուրջ հետք է թողնում երեխայի հետագա կյանքի վրա։ Ծնողներս բաժանվել են, երբ մեկ տարեկան էի։ Հիշում եմ` ինչպես էի բոլոր տոն օրերին հորս սպասում», —իր լուսանկարը մեկնաբանել է Վարդան։
Պարուհին խոստովանել է, որ շատ էր տխրում, երբ հայրը չէր կարողանում գալ։
«Հիշում եմ` ինչպես չէի հավանում այն կանանց, որոնց մոտ ինձ տանում էր հայրս։ Նա չափազանց սիրառատ տղամարդ էր, մայրս չկարողացավ համակերպվել, թեև հայրս փորձում էր համոզել նրան։ Երեկ մայրս պատմեց` ինչպես է հայրս մորս ծննդյան օրը դավաճանել իր ընկերուհու հետ», — գրել է Վարդան։
Աղջկա ճակատագիրը հենց ծնվելու օրվանից բարդ է եղել։ Նրա խոսքով` մարտի 8-ին, երբ նորածին Վարդային մոր հետ դուրս են գրել ծննդատնից, պարուհու հայրը գնացել է նշելու ու միայն երկու շաբաթ հետո է վերադարձել։
«Մայրս շատ բան է ներել, բայց արդյունքում հավաքել է ճամպրուկներն ու վռնդել նրան։ Շատ ժամանակ է անցել, հիմա բոլորս շփվում ենք ու լավ հարաբերություններ ունենք, բայց ամեն անգամ, երբ հայրս տեսնում կամ լսում է մեզ, չի կարողանում զսպել արցունքները», — պատմել է աղջիկը։
Վարդան նշել է, որ իր հայրը շատ բաների համար է զղջում, բայց, ցավոք, ոչինչ հնարավոր չէ վերադարձնել։
«Ինչո՞ւ համար եմ այս ամենը պատմում. ուզում եմ հիշեցնել, որ ընտանիքն ամենակարևորն է, խնայեք ձեզ սիրող մարդկանց, նրանց ցավ մի պատճառեք, քանի որ հետո ստիպված եք լինելու վճարել դրա համար։ Իհարկե, նրանք ոչ մի բանի համար չեն զղջում, քանի որ ինձ ունեն, բայց փոքր տարիքում ինձ պակասում էր ՄԵՆՔ երևույթը», — ամփոփել է Վարդան։
Վարդան ծնվել է 1985թ.-ի մարտի 3-ին բազմանդամ ընտանիքում։ Նա 2 բարձրագույն կրթություն ունի` մասսայական միջոցառումների ռեժիսորի ու ֆիզկուլտուրայի ուսուցչի և մարզչի։ Կարիերայի ընթացքում Վարդան կարողացել է շատ տիտղոսներ և մրցանակներ շահել` ելույթ ունենալով «Սև հրեշտակ» բեմական անունով։
