ԵՐԵՎԱՆ, 12 մարտի – Sputnik. Ադրբեջանն իր զորավարժություններով խախտում է ԵԱՀԿ առջև ստանձնած հանձնառությունները։ Այս մասին ԱԳՆ մամուլի քարտուղար Տիգրան Բալայանը գրել է Twitter-ի իր էջում։
«Ադրբեջանը զորավարժություններ է սկսել (երկրի նախագահի «վերընտրվելու» քարոզարշավի ամենամարդաշատ իրադարձությունը) ԵԱՀԿ առջև ստանձնած հանձնառությունների աղաղակող խախտմամբ՝ առանց այդ մասին տեղեկացնելու ԵԱՀԿ մասնակից պետություններին»,- գրել է Բալայանը:
#Azerbaijan started military exercises (the most crowded event of @presidentaz re-"election" campaign) in blatant violation of @OSCE commitments, without prior notification of #OSCE participating states. pic.twitter.com/kr6BzGO9uM
— Tigran Balayan (@tbalayan) 12 марта 2018 г.
Ադրբեջանը հայտարարել է, որ մարտի 12-17-ը կանցկացվեն լայնամասշտաբ զորավարժություններ՝ 25 հազար զինծառայողի մասնակցությամբ, կգործարկվեն 250 տանկ և զրահատեխնիկա, 1000 միավոր հրետանա-հրանոթային միջոցներ, 50 միավոր ավիացիա։
