ԵՐԵՎԱՆ, 11 մարտի — Sputnik. Երեկ գիշերը Վազգեն Սագսյան փողոցում տեղի ունեցած վրաերթի գործի շրջանակում ձերբակալվել է Երևանի 4-րդ գյուղի Հաղթանակ 6-րդ փողոցի 19 տան բնակիչ, 42-ամյա Լևոն Արեստակեսյանը: Այս մասին տեղեկացնում է shamshyan.com կայքը։
Ըստ հաղորդած տեղեկության` Արեստակեսյանը երեկ ներկայացել է ոստիկանության Մալաթիայի բաժին և հայտնել, որ Վազգեն Սարգսյան փողոցում ինքն է Mercedes G63 մակնիշի 999 DO 99 համարանիշի ավտոմեքենայով վրաերթի ենթարկել հետիոտնին` 75-ամյա Մարիա Գրիգորյանն է, ով հավանաբար «Զվարթնոց» օդանավակայանի գլխավոր տնօրենի կնոջ մայրն է։
Հիշեցնենք, որ նա դեպքի վայրում մահացել էր։ Իսկ վարորդը, նրան անօգնական թողնելով, դիմել էր փախուստի։
Արեստակեսյանը տեղափոխվել է Ոստիկանության Երևան քաղաքի վարչության ձերբակալվածների պահման վայր: Ոստիկանության կենտրոնական բաժնի ծառայողները պարզել են, որ ավտոմեքենայում հայտնաբերված «Մակարով» տեսակի ատրճանակը հաշվառված է 26-ամյա Ժորա Վարդանյանի` «Մարիաննա» կաթնամթերք արտադրող ընկերության սեփականատեր Տիգրան Վարդանյանի որդու անվամբ։
Ի դեպ, ավտոմեքենան հաշվառված է «Մարիաննա» ընկերության հաշվեկշռում:
Ոստիկաններն ու քննիչները կասկածներ ունեն, որ տեղի ունեցած դժբախտ պատահարի ժամանակ մեքենայի ղեկի առաջ իրականում ոչ թե Արեստակեսյանն է եղել, այլ հենց նախնական կասկածյալը, իսկ նա պարզապես փորձում է քավության նոխազ դառնալ։
Այդ վարկածը Ոստիկանության և քննչական բաժնի կողմից ճշտվում է:
