ԵՐԵՎԱՆ, 10 մարտի — Sputnik. Երգչուհի Լիլիթ Հովհաննիսյանն Instagram-ում նոր լուսանկար է հրապարակել, որտեղ իր երկրպագուներին է ներկայացել նոր ոճով` վարդագույն մազերով։
«Վարդագույն մազեր վարդագույն ակնոցի փոխարեն: Էֆեկտը նույնն է։ Գունային փոփոխությունից անմիջապես հետո քեզ պատում է լավատեսությունն ու թեթևությունը»,- լուսանկարին կից գրել է երգչուհին։
Դատելով երկրպագուների ինտերնետային արձագանքներից` երգչուհու նոր ոճը դուր է եկել նրանց։
Լիլիթի նոր կերպարը ոգևորությամբ ու գովեստի խոսքերով են ընդունել ոչ միայն Հայաստանում, այլև արտերկրում, հատկապես` Իրանում ապրող երկրպագուները։
