ԵՐԵՎԱՆ, 9 մարտի — Sputnik. Աշխարհահռչակ թենիսիստուհի, հայ միլիոնատեր Ալեքսիս Օհանյանի կինը` Սերենա Ուիլյամսը, երեխայի ծնվելուց հետո հաղթել է WTA մրցաշարի առաջին պաշտոնական խաղում։
Ուիլյամսը ուրբաթ մեկնարկած Ինդիան-Ուելսի մրցաշարում հաղթել է Ղազախստանի ներկայացուցիչ Զարինա Դիյասին։ Խաղն ավարտվել է 7։5, 6։3 հաշվով։ Խաղը տևել է 1 ժամ 33 րոպե։
«Անհավանական էր։ Ավելի քան մեկ տարի է անցել, ես երեխա եմ ունեցել։ Ես դեռ փորձի կարիք ունեմ, բայց դա նշանակություն չունի` ես ուղղակի գնում եմ իմ ճանապարհով և փորձում եմ անել այն ամենը, ինչ կարող եմ», —TennisNow-ն մեջբերում է թենիսիստուհու խոսքերը։
Լեգենդար ամերիկուհու համար այդ հանդիպումը եղել է առաջին պաշտոնական խաղը երեխայի ծնվելուց հետո։ Նախորդ խաղը Սերենա Ուիլյամսն անցկացրել է 2017թ-ի հունվարի 28-ին Ausralian Open-ի եզրափակիչում, որտեղ պարտության է մատնել իր քրոջը` Վինուս Ուիլյամսին (6:4, 6:4)։
Welcome back, @SerenaWilliams!
— WTA (@WTA) 9 марта 2018 г.
The 23-time Grand Slam champion marks her return with a 7-5, 6-3 win over Diyas at @BNPPARIBASOPEN! pic.twitter.com/BEJrOUkSrP
Երկրորդ շրջանում Ուիլյամսի մրցակիցը կլինի նիդեռլանդացի Կիկի Բերտենսը։
