ԵՐԵՎԱՆ, 8 մարտի — Sputnik. Արմեն Ջիգարխանյանն արգելել է հաղորդավար Անդրեյ Մալախովին իր անունը բարձրաձայն արտասանել։ Այս մասին հայտնում է Dni.ru պարբերականը։
ԽՍՀՄ ժողովրդական արտիստ Արմեն Ջիգարխայանը նման բովանդակությամբ նամակ է ուղարկել «Ռոսիա» հեռուստաալիքին` մասնավորապես «Մալախով. Ուղիղ եթեր» թոք-շոուին։
Ինչպես պնդում է նախկինում Վիտալինա Ցիմբալյուկ-Ռոմանովսկայայի շահերը պաշտպանող Էլինա Մազուրին, Ջիգախանյանը կարծում է, թե Մալախովը պայմանավորվել է Վիտալինայի հետ և փորձում է արդարացնել նրան։ Այդ պատճառով արտիստը պահանջում է դադարեցնել իր մասին բոլոր հեռարձակումներն ու նույնիսկ իր լուսանկարը չցուցադրել։
Վերջերս համացանցում մի լուսանկար էր հայտնվել, որում Մալախովն ու Վիտալինան գրկախառնված են։ Հավանաբար հենց դա է դերասանին հունից հանել։
