ԵՐԵՎԱՆ, 5 մարտի — Sputnik. Ամերիկյան կինոակադեմիայի հոբելյանական 90–րդ «Օսկար» մրցանակաբաշխությունը տեղի ունեցավ մարտի 5–ի գիշերը ԱՄՆ–ում։ Հիմնական անվանակարգերում դափնեկիր դարձան բավականին կանխատեսելի ֆիլմեր։ Սակայն ինչպես միշտ, հանդիսատեսի ուշադրությունն ավելի շատ սևեռված էր կարմիր գորգին, որտեղ հայտնի մարդիկ լուսանկարվում ու լրագրողների հարցերին էին պատասխանում։
Sputnik Արմենիան ներկայացնում է ամենահետաքրքիր զգեստները, որոնք հիացրել են սոցիալական կայքերի օգտատերերին ու նորաձևության ոլորտի քննադատներին։
Այս տարվա նորաձև թրենդներից էին փայլուն գործվածքներն ու փոռիկները։ Համաշխարհային կինոյի աստղերը հենց այդպիսի զգեստներով էին փայլում կարմիր գորգի վրա։ Մասնավորապես, Givenchy–ից արծաթագույն զգեստը, որով ներկայացել էր «Հրաշք կին» ֆիլմի աստղ Գալ Գադոտը, այն հիշեցնում էր 1920–ականները` ուլունքներ, փուլեր, ծոփեր։ 53–ամյա դերասանուհի Սանդրա Բալոքը սև և ոսկեգույն զգեստ էր հագել, որը չափազանց համահունչ էր նրա մաշկի ու մազերի գույնի հետ։ Իսկ օսկարակիր Ջենիֆեր Լոուրենսը մրցանակաբաշխությանը եկել էր Dior–ից մետաղագույն զգեստով։
Բոլորին ապշեցրել է երիտասարդ դերասանուհի Զենադայան Կոուլմանի զգեստը։ 21–ամյա գեղեցկուհին ներկայացել էր դարչնագույն զգեստով` Ժան–Բատիստ Վալիից։
«Սև հովազ» սուպերհերոսների մասին ֆիլմի աստղեր Լյուպիտա Նիոնգոն, Ուինսթոն Դյուքն ու Դանայ Գուրիրան նույնպես ուրախացրին երկրպագուներին հիանալի ճաշակով ու հագուստի մեջ ազգային մոտիվներով։
Օսկարակիր Մերիլ Սթրիփը կարողացել է գոհացնել քննադատներին ու երկրպագուներին` ընտրելով չափավոր համեստ զգեստ` խորը բացվածքով։
Առանձնահատուկ ուշադրության է արժանի սքանչելի Նիկոլ Քիդմանի կերպարը։ Նա կարմիր գորգով շրջում էր Արմանիի զգեստով։ Էլեկտրիկ կապույտ գեղեցիկ զգեստը` մեծ ժապավենակապով, մրցանակաբաշխության պատմության ընթացքում ամենահիշվողներից է։ Արմանիի հրաշագործերը նույնիսկ տեղադրել են համացանցում մի տեսահոլովակ, որտեղ մոտիկից երևում է իրենց ստեղծագործությունը։
