Գեղասահքի աստղերի գալա համերգն անցկացվել է երեկ Մոսկվայում։ Գեղասահքի սիրահարները կարողացել են անձամբ վայելել ռուսաստանցի օլիմպիականների ելույթները, որոնց մինչ այդ հետևել էին հեռուստացույցի դիմաց նստած։
«Օլիմպիականների տոն։ Չեմպիոնները Մոսկվայում» գալա շոուի ռեժիսորը Իլյա Ավերբուխն էր։ Նրա խոսքով` «Մեգասպորտ» սառցե պալատում ավելի քան 12 հազար հանդիսատես էր հավաքվել։
Հրավիրված աստղերի շարքում է եղել նաև Եվգենյա Մեդվեդևան (Բաբասյան)։ Նա սահադաշտ է դուրս եկել Վիկտոր Ցոյի «Կուկուշկա» ստեղծագործության ներքո, որը կատարում է հայտնի երգչուհի Պոլինա Գագարինան։
