ԵՐԵՎԱՆ, 2 Մարտ — Sputnik. Հանրապետության նախագահի ընտրության քվեարկությունն անցկացվում է ԱԺ նիստերի դահլիճին կից նախասրահում:
Հիշենք` ՀՀ Ազգային ՀՀԿ և ՀՅԴ խմբակցությունների 65 պատգամավորների գրավոր դիմումով Հայաստանի Հանրապետության նախագահի պաշտոնում առաջադրվել է Արմեն Վարդանի Սարգսյանը: Այս թեկնածուին կպաշտպանի նաև ընդդիմադիր «Ծառուկյան» դաշինքը։ Ընդդիմադիր «Ելք» խմբակցությունը չկարողացավ հավաքել պահանջված քանակի ստորագրությունները` իր թեկնածուին` Արտակ Զեյնալյանին առաջադրելու համար։
Արմեն Սարգսյանն առաջադրված միակ թեկնածուն է։
2018 թվականի փետրվարի 28-ին` ժամը 18:00-ին, լրացել է Հանրապետության նախագահի առաջադրման ժամկետը:
Հիշեցնենք` նոր Սահմանադրության համաձայն` նախագահին ընտրելու են խորհրդարանի պատգամավորները։ Իրական իշխանությունը կբաժանվի խորհրդարանի և կառավարության միջև։ Նախագահի գործառույթները զուտ ներկայացուցչական կլինեն։
