ԵՐԵՎԱՆ, 2 մարտի — Sputnik. Նախագահն իր պաշտոնը կստանձնի ԱԺ հատուկ նիստում, որը կգումարվի ՀՀ գործող նախագահի լիազորությունների ավարտի օրը։ ԱԺ հատուկ նիստը կգումարվի ապրիլի 9-ին։ Այդ մասին ասաց խորհրդարանի խոսնակ Արա Բաբլոյանը։
Հատուկ նիստ կազմակերպելու կարգը կառաջարկի խոսնակը։ Ընտրված նախագահ Արմեն Սարգսյանը շնորհակալություն հայտնեց պատգամավորներին վստահության համար։
«Շնորհակալություն եմ հայտնում և հավաստիացնում, որ ամեն ինչ կանեմ Հայաստանի, Արցախի, Ջավախքի, սփյուռքի միասնության համար։ Ես ուժերի ներածին չափով ավանդ կունենամ խնդիրների լուծման մեջ, որոնք ծառացած են մեր երկրի և ժողովրդի առջև», – ասաց Սարգսյանը։
Բաբլոյանն իր հերթին շնորհավորեց նրան խորհրդարանի անունից և հաջողություններ մաղթեց երկրի ղեկավարի աշխատանքում։
