ԵՐԵՎԱՆ, 1 մարտի — Sputnik. Փհենչհանում անցկացված օլիմպիական խաղերի արծաթե մեդալակիր Եվգենյա Մեդվեդևան խոստովանել է, որ չի մոռանում իր հայկական արմատների մասին։ Նա այս մասին ասել է «Ռոսիա սեգոդնյա» ՄՏԳ-ում կազմակերպված ասուլիսի ժամանակ` պատասխանելով Sputnik-ի հարցին։
Հանրահայտ գեղասահորդուհու հայրն ավելի վաղ ասել էր, որ դուստրը մանկական մրցաշարերին մասնակցել է Բաբասյան ազգանունով։
«Սկսեմ նրանից, որ որևէ մեկն ինձ արյուն չի ներարկել։ Հայրս հայ է, բայց ես այնքան էլ ծանոթ չեմ հայկական մշակույթին»,- ասել է Մեդվեդևան։
Նա խոստովանել է նաև, որ հայկական խոհանոցն իրեն այնքան էլ դուր չի գալիս, ինքն ավելի շատ ռուս է։
