ԵՐԵՎԱՆ, 28 փետրվարի — Sputnik. ԱԺ պետաիրավական և մարդու իրավունքների հարցերով հանձնաժողովի նախագահն այսուհետ կլինի ԱԺ ՀՀԿ խմբակցության պատգամավոր, նախկին հլխավոր դատախազ Գագիկ Կոստանյանը:
Ինչպես հայտարարեց հաշվիչ հանձնաժողովի նախագահ Գագիկ Մելիքյանը, փակ գաղտնի քվեարկությանը մասնակցել են 93 պատգամավոր: Կողմ են քվեարկել 63-ը, դեմ` 30-ը:
Հիշեցնենք, որ իշխող Հանրապետական կուսակցությունն ու խմբակցությունը, որոշել են այս հանձնաժողովի նախագահի պաշտոնը մինչ այժմ զբաղեցնող ԱԺ պատգամավոր Հրայր Թովմասյանին առաջադրել ՍԴ նախագահի թափուր մնացած պաշտոնում, ՍԴ ներկայիս նախագահ Գագիկ Հարությունյանն այսօր ընտրվեց դատական բարձրագույն խորհրդի նախագահ: ԱԺ պատգամավոր, նախկին դատախազ Գևորգ Կոստանյանն էլ այս փոփոխությունների արդյունքում կզբաղեցնի Հրայր Թովմասյանի հեռանալուց հետո թափուր մնացած տեղը:
