ԵՐԵՎԱՆ, 25 փետրվարի — Sputnik. Այսօր վաղ առավոտյան ժամը 06:00-ի սահմաններում ՀՀ Կոտայքի մարզում վթարի է ենթարկվել ՌԴ քաղաքացի, Ռուսաստանի Դաշնության Նովգորոդ քաղաքի բնակիչ 21-ամյա Դենիս Շիլովի վարած Mercedes մակնիշի ավտոմեքենան։ Այս մասին հայտնում է shamshyan.com կայքը։
Ըստ կայքի`վթարը տեղի է ունեցել դեպի Հանքավան տանող ճանապարհին։ Նախնական տվյալներով ավտոմեքենան դուրս է եկել երթևեկելի գոտուց և հայտնվել ձորակում:
Ավտոմեքենայի ուղևորուհի, ՌԴ քաղաքացի 18-ամյա Անաստասյա Կիրպիչնիկովան մարմնական վնասվածքներով տեղափոխվել է Հրազդանի բժշկական կենտրոն:
Որոշ տեղեկություններով վարորդն ու վիրավորը մեկնել էին Ծաղկաձոր հանգստանալու:
