ԵՐԵՎԱՆ, 23 փետրվարի — Sputnik. Երեկ՝ փետրվարի 22-ին, խոշոր ավտովթար է տեղի ունեցել Երևանում: Ժամը 23:00-ի սահմաններում Խորենացի և Զաքյան փողոցների խաչմերուկում՝ Շիրակ հյուրանոցային համալիրի մոտ, բախվել են BMW X5 մակնիշի 01 AՏ 015 համարանիշի, BMW X5 մակնիշի 35 SQ 154 համարանիշի, Lexus մակնիշի 88 NO 888 համարանիշի ավտոմեքենաները:
Ինչպես հայտնում է shamshyan.com-ը, վթարի հետևանքով BMW X5 մակնիշի ավտոմեքենան բախվել է երկաթբետոնե ճաղավանդակներին, այնուհետև խաչմերուկը կարգավորող լուսակիրին և կողաշրջվել:
Դեպքի վայր են ժամանել Արտակարգ իրավիճակների նախարարության հրշեջ-փրկարարական ջոկատը, ովքեր հոսանքազրկել են ավտոմեքենան և սահմանազատել տարածքը:
Դեպքի վայր են ժամանել Ճանապարհային Ոստիկանության 1-ին սպայական գումարտակի 8-րդ դասակի ծառայողները:
Ըստ նախնական տեղեկությունների՝ վթարի հետևանքով 4 հոգի տեղափոխվել են հիվանդանոց:
Ըստ կայքի` դեպքի վայրում հավաքվածներն ասել են, որ BMW X5 մակնիշի ավտոմեքենան հայտնի գործարար Խաչատուր Սուքիասյանի տղայինն է:
Ապահովագրական ընկերությունների ներկայացուցիչներն ասել են, որ սա այս տարվա ամենաթանկ վթարն է. վնասը կազմում է ավելի քան 150 հազար դոլար:
Ոստիկանությունը պարզում է վարորդների և վիրավորների ինքնությունը:
