ԵՐԵՎԱՆ, 23 փետրվարի – Sputnik. Ժյուրիի և հեռուստադիտողի քվեարկության արդյունքում եզրափակիչ անցան Սևակ Խանաղյանը, Ամալյա Մարգարյանը, Կամիլը, Մարիամը և Հասմիկ Շիրոյանը:
Սևակը հայտնի դարձավ ռուսական «Ձայնը» նախագծին մասնակցելուց հետո, որտեղ երաժիշտը հիասքանչ կատարեց «Կուկուշկա» երգը։ Իսկ 2016 թվականին արտիստը գերեց «Х-ֆակտոր» նախագծի (ուկրաինական հեռուստանախագիծ) հանդիսատեսին։ Նրա հայերեն գրված քնարական բալլադը քամին ու հուշերը ցրելու կարողության մասին է։ Երգի երաժշտությունը գրել է հենց Սևակը, իսկ խոսքը` Աննա Դանիելյանն ու Վիկտորյա Մալոյանը։
Kamil Show —ն ներկայացրեց իր Puerto Rico երգը։ Իսպաներեն այդ ստեղծագործությունը հույզերի ու սեփական բացառիկությունը ճանաչելու խիզախության մասին է։ Kamil Show կերպարի տակ թաքնված է հայտնի հեռուստահաղորդավար և հումորիստ Արսեն Գրիգորյանը։ Աշխույժ հիթի երաժշտությունը գրել է Վահրամ Պետրոսյանը, իսկ խոսքը` Արթուր Աբգարը։
Ամալյա Մարգարյանը հաճելի ձայնով նրբակազմ աղջիկ է, որը կատարում է Waiting For The Sun երգը։ Աղջիկը երգում է հավատի ու հույսի մասին, որոնք օգնում են առաջ շարժվել։
Հայ երգչուհի Հասմիկ Շիրոյանի You and I երգը նման է ամերիկյան շքերթների ստեղծագործություններին։ Երաժշտությունն ու խոսքը գրել են Մառլի Հարվուդը, Նեյլ Օրմանդին ու Հաջը։
Աղջիկը երգում է սիրո մասին ու համեմատում է այն արևադարձային գոտիների գեղեցիկ բնապատկերների ` ջրվեժների ու ավազոտ լողափերի հետ։
Հիշեցնենք, որ մրցույթի առաջին կիսաեզրափակիչը տեղի է ունեցել փետրվարի 19-ին, որում հաղթող են ճանաչվել Մհերը, Ռոբերտ Քոլոյանը, Գևորգ Հարությունյանը, Լուսինե Մարդանյանը և «Նեմրա» բենդը:
Առաջին և երկրորդ կիսաեզրափակիչի հաղթողներն իրենց ուժերը կփորձեն փետրվարի 25-ին` մրցելով «Դեպի Եվրատեսիլ» եզրափակչի հաղթողի տիտղոսի համար։
