ԵՐԵՎԱՆ, 22 փետրվարի — Sputnik. 2.5 ամսական Աշոտ Վարդանյանին նախօրեին վիրահատել են, Sputnik Արմենիայի թղթակցին հայտնել են «Սուրբ Աստվածամայր» ԲԿ–ից, ուր երեխան տեղափոխվել էր գանգուղեղային վնասվածքով։
Հիշեցնենք, որ երեկ ժամը 12։50-ի սահմաններում Երևան-Վանաձոր ավտոճանապարհի Ապարանի տարածաշրջանի տարածքում բախվել էին Lada և Samand մակնիշի ավտոմեքենաները։ Վթարից տուժած 8 մեծահասակը տեղափոխվել էին Ապարանի բժշկական կենտրոն, մանկահասակ երեխան` Երևանի «Սուրբ Աստվածամայր»։
Վիրահատությունը նորմալ է անցել, սակայն երեխայի վիճակը շարունակում է ծայրահեղ ծանր մնալ։
