ԵՐԵՎԱՆ, 22 փետրվարի — Sputnik. ԱՄՆ-ն ընդունել է Իրաքում և Սիրիայում կոալիցիայի ավիահարվածների հետևանքով ավելի քան 800 խաղաղ բնակիչների մահվան փաստը, հաղորդում է ՌԻԱ Նովոստին։
«Հիմնվելով հասանելի տեղեկատվության վրա` գործողության միացյալ շտաբը կարծում է, որ 841 խաղաղ բնակիչ ոչ կանխամտածված սպանվել է կոալիցիայի հարվածների հետևանքով «Անդրդվելի վճռականություն» գործողության մեկնարկից ի վեր», — նշված է հայտարարությունում, որը մեջբերում է գործակալությունը։
Խաղաղ բնակչության շարքում զոհերի մասին 485 հաղորդագրություններն առայժմ ուսումնասիրվում են։
Հունվարի վերջին կոալիցիան հաղորդել է գործողության սկսվելուց ի վեր 830 խաղաղ բնակչի մահվան մասին։
ԱՄՆ-ը և նրա դաշնակիցները 2014թ-ի օգոստոսից Սիրիայում ու Իրաքում գործողություն են իրականացնում «Իսլամական պետության» ահաբեկիչների դեմ, միաժամանակ Սիրիայում նրանք գործում են առանց պաշտոնական Դամասկոսի համաձայնության։
