ԵՐԵՎԱՆ, 21 փետրվարի — Sputnik. Երևանի «Զվարթնոց» օդանավակայանում հայտնաբերվել է Ռուսաստանում մոտ մեկ ամիս հետախուզման մեջ գտնվող Հայաստանի քաղաքացի Արամ Ա.-ն։
Ինչպես հայտնում է ՀՀ ոստիկանության հասարակայնության հետ կապերի և տեղեկատվության վարչությունը, տղամարդը հայտնաբերվել է Երևան-Մոսկվա չվերթի ինքնաթիռի ուղևորների հաշվառման ժամանակ։
60-ամյա տղամարդը հետախուզման մեջ է 2018թ.-ի հունվարի 30-ից։ Խանտի- Մանսիյսկի ՆԳՆ-ի հարուցած քրեական գործով նա մեղադրվում է ՌԴ քրեական օրենսգրքի 145.1 հոդվածի 1-ին մասով։
Դատելով համապատասխան հոդվածից` նա Ռուսաստանում զբաղվել է գործարարությամբ, ինչ-որ կազմակերպություն է ղեկավարել և ավելի քան 3 ամիս մասամբ չի վճարել իր աշխատողների աշխատավարձերը։
