ԵՐԵՎԱՆ, 21 փետրվարի — Sputnik. Փհենչհանում գեղասահորդուհի Ալինա Զագիտովայի զարմանալի արդյունքը նրա թիմակից Եվգենյա Մեդվեդևա-Բաբասյանին բոլորովին չի զարմացրել, գրում է ՌԻԱ Նովոստին։
Չորեքշաբթի Փհենչհանում Մեդվեդևան կարճ ծրագրում նոր համաշխարհային ռեկորդ է սահմանել, բայց Զագիտովան իսկույն գերազանցել է Եվգենյայի ռեկորդը։ Արդյունքում աղջիկները 10 րոպեում երկու համաշխարհային ռեկորդ են սահմանել։
Մեդվեդևան կարճ ծրագրի համար ստացել է 81,61 միավոր, Զագիտովան` 82,92։ Երկու գեղասահորդուհիներն էլ մարզվում են Էթերի Տուտբերիձեի մոտ։
«Ես զարմացած չեմ։ Ամեն օր տեսնում եմ, թե նա ինչպես է աշխատում, նա ցույց տվեց իր լավագույն սահքը», — լրագրողներին ասել է Մեդվեդևան։
Աղջիկը խոստովանել է, որ շփոթված չէ և նույնիսկ չի մտածում այն մասին, թե ինչ կլինի սխալի դեպքում։
«Ես փորձում եմ անել առավելագույնը», — ընդգծել է նա` հավելելով, որ ազատ ծրագրին կտրամադրվի «սովորականի պես»։
Ավելի վաղ ամերիկացի գեղասահորդուհի Էշլի Վագներն ասել է, որ Մեդվեդևա-Բաբասյանն է 2018թ-ի օլիմպիադայի գեղասահքի կանանց մրցաշարի ֆավորիտը։
