Sputnik Արմենիայի հետ զրուցում Պոլսո Հայոց պատրիարքի փոխանորդ Արամ Աթեշյանի մասին նման կարծիք հայտնեց Ռազմաքաղաքական վերլուծաբան Հայկ Նահապետյանը։
«Միայն 2 օրինակներն արդեն ապացուցում են ասածս. 1–ինը, երբ նա արտահայտվեց «Ձիթենու ճյուղ» ռազմական օպերացիայի վերաբերյալ և թուրքական բանակին բարեհաջող ավարտ մաղթեց։ Սա ինքնին քաղաքական հայտարարություն էր, և ոչ մեկ չէր խնդրել նրան այդ հայտարարությունն անելու։ Եվ մյուսը Գերմանիայի Բունդեսթագում Հայոց Ցեղասպանության մասին բանաձևի ընդունման նրա գնահատականը։ Թուրքական իշխանություններին իր սատարմամբ Աթեշյանը կարող է աջակցել Թուրքիայի ագրեսիվ քաղաքականությանը հարևանների նկատմամբ»,–ասում է Նահապետյանը։
Նրա խոսքով` Աթեշյանը` որպես պատրիարքի փոխանորդ, իր գործողություններով չի կարող օգտակար լինել ոչ միայն Թուրքիայի հայությանն, այլ նաև Հայ Առաքելական եկեղեցուն։
Հայ Նահապետյանը հույս հայտնեց, որ այս հարցի վերաբերյալ Մայր Աթոռը պաշտոնական հայտարարություն կտարածի։
