Գոյություն ունի տոլմայի ավելի քան 80 տեսակ, որոնք Հայաստանի տարբեր շրջաններում պատրաստում էին դեռևս 1000 և ավելի տարի առաջ։ Տոլմայի մասին 1–ին հիշատակությունները հայկական աղբյուրներում թվագրվում են 5–րդ դարով։ «Տոլմա» բառը (միսը`խաղողի թփում) առաջացել է «տոլի» բառից, որը նշանակում է խաղողի տերև։
«Պատմությունից քաջատեղյակները կասկածներ չունեն տոլմայի ծագման մասին։ Տոլման հայկական ճաշատեսակ է, որը մենք ոչ մեկին չենք զիջի»,– Sputnik Արմենիայի հետ զրույցում ասաց ռեստորաններից մեկի խոհարար Աննա Մաթևոսյանը։
Տոլմայի այս բաղադրատոմսը նոր է` ստեղծված երիտասարդ խոհարարների շնորհիվ։ Այն պատրաստվում է գառան դմակից, բլղուրից, սոխից, չրերից, լոլիկից, աջիկայից և թթու կաղամբից։
