ԵՐԵՎԱՆ, 17 փետրվարի — Sputnik. Բրիտանական թագավորության առաջին կատուները` Մեծ Բրիտանիայի վարչապետի նստավայրի գլխավոր մկնորս Լարին ու արտգործնախարարի կատուն` Փալմերսթոնը, կռվել են։
Լարիի պատռված վզկապն ու մորթու կտորները մնացել են «մարտի դաշտում»։
Daily Mail-ը գրում է, որ կատուները բախվել են փողոցում` վարչապետ Թերեզա Մեյի նստավայրի դիմաց` Դաունինգ սթրիթ 10-ում։
Մեյի կատուն կռվել է Փալմերսթոնի հետ, որը բնակվում է Բրիտանիայի ԱԳՆ-ում։ Կատուների մարտերի ընթացքում Լարին կորցրել է վզկապը, և այդ պատճառով լրագրողները հաղթող ճանաչել են Փալմերսթոնին։
Ավելի վաղ Լարիին հեռացրել էին պաշտոնից, քանի որ Մեծ Բրիտանիայի նախկին վարչապետ Ջեյմս Քեմերոնը տեսել էր, որ կատուն քնել է սեփական աթոռին, իսկ այդ պահին նրա կողքով մուկ է անցել։ Բայց ավելի ուշ թագավորության բնակիչների բազմաթիվ խնդրանքներից հետո Լարիին վերադարձրել են գլխավոր մկնորսի պաշտոնը։
Drama at Downing Street this morning — Larry the cat has a face off with Palmerston from the Foreign Office. Fur and collar ripped off in the cat fight. @GMB pic.twitter.com/xGWUwZwlmO
— Nick Dixon (@NickDixonITV) 16 февраля 2018 г.
