ԵՐԵՎԱՆ, 17 փետրվարի — Sputnik. Հանրապետության տարածքում փետրվարի 17-ին, 20-21-ը է առանց տեղումների եղանակ կլինի, փետրվարի 18-ին, 19-ի գիշերը շրջանների զգալի մասում, 19-ի ցերեկը Վայոց ձորում, Սյունիքում և Արցախում ժամանակ առ ժամանակ կլինեն տեղումներ` լեռնային գոտիներում թաց ձյան, նախալեռնային և հովտային գոտիներում անձրևի տեսքով։ Այս մասին հայտնում է «Հիդրոմետ» ծառայությունը։
«Օդի ջերմաստիճանը փետրվարի 18-ի գիշերը կբարձրանա 4-5 աստիճանով, ցերեկը նույնքան կնվազի»,- նշված է հաղորդագրության մեջ:
Երևանում փետրվարի 17-ին, 19-ի ցերեկը, 20-21-ը կլինի առանց տեղումների եղանակ, 18-ին, 19-ի գիշերը և առավոտյան ժամերին հնարավոր է` ժամանակ առ ժամանակ անձրև տեղա։
Այսօր` փետրվարի 17-ին, ցերեկային ժամերին օդի ջերմաստիճանը կկազմի 14-16, գիշերային ժամերին` 3-5 աստիճան տաքություն։
