ԵՐԵՎԱՆ, 16 փետրվարի — Sputnik. Քիչ առաջ վիճաբանություն և ծեծկռտուք է եղել Երևանի պետական համալսարանում: Ինչպես տեղեկացնում է shamshyan.com կայքը` Երևանի պետական համալսարանի ռոմանո-գերմանական ֆակուլտետի փոխդեկան 37-ամյա Գևորգ Բարսեղյանին ծեծի են ենթարկել իր իսկ աշխատասենյակում:
Քիչ առաջ դեպքի մասին ահազանգ է ստացվել նաև Ոստիկանության Երևան քաղաքի վարչության օպերատիվ կառավարման կենտրոն, որտեղից տեղեկությունը փոխանցել են Ոստիկանության Մարաշի բաժանմունք: Համալսարան են ժամանել Ոստիկանության օպերատիվ խումբը և այժմ Բարսեղյանին ծեծի ենթարկելու փաստով նյութեր են նախապատրաստվում:
Ըստ նախնական տեղեկությունների՝ ծեծկռտուքի պատճառը եղել է այն, որ փոխդեկանը ուսանողուհիներից մեկին անպարկեշտ առաջարկութուններ է արել։ Ընդ որում` աղջկա հայրն Արցախի Հանրապետության բարձրաստիճան պաշտոնյա է։ Ուսանողուհին փոխդեկանի վարքի մասին տեղեկացրել է իր բարեկամներին, ովքեր էլ այցելել են նրան և հորդորել այլևս նման առաջարկություններ չանել աղջկան և հեռու մնալ նրանից։ Հավանաբար Բարսեղյանի հետ համաձայնության չգալով` անհայտ այցելուները դաստիարակչական մի քանի մուշտի են հասցրել փոխդեկանին:
Կայքի տեղեկություններով՝ Բարսեղյանը մարզական մեկնաբան Ռուդիկ Բարսեղյանի որդին է:
