Ադրբեջանում նախանշված նախագահական ընտրություններում արդեն պաշտոնապես առաջադրվել են 5 թեկնածու։ Իլհամ Ալիևից բացի, առաջադրվածներից ոչ ոք մեծ վարկանիշ չունի։ Sputnik Արմենիայի եթերում, վերլուծելով Ադրբեջանի նախագահական արտահերթ ընտրությունների ընթացքը, ասաց իրանագետ Արտյոմ Տոնոյանը։
«Հիմնականում առաջադրվել են ենթադրաբար Ալիևի հետ պայմանավորվածությունների արդյունքում»,-ասաց նա` չբացառելով, որ մինչ ժամկետի ավարտը կլինեն նոր առաջադրումներ, քանի որ այդ մասին մի շարք հայտարարություններ արդեն հնչել են քաղաքական տարբեր ուժերի ներկայացուցիչների շուրթերից։
Ինչ վերաբերում է Ադրբեջանի նախագահական ընտրությունները դիտարկելուն, Տոնոյանի խոսքով, առ այս պահը դիտորդական առաքելությամբ Ադրբեջան այցելելու մասին հայտարարել է միայն «Թյուրքալեզու երկրների խորհրդարանական վեհաժողով» կազմակերպությունը։
